بنات النبى عليه الصلاة والسلام

السلام عليكم ورحمة الله وبركاته

بنات النبى صلى الله عليه وسلم

كل سنه وانتوا طيبين ومن ربنا قريبين وعلى طاعته متجمعين
وكل رمضان وانتوا مفرحين سيد المحبين والمحبوبين

ازيكم وايه اخباركم وايه اخبار رمضان معاكوا يارب تكونوا

فى احسن حال

بما اننا بنات النبى صلى الله عليه وسلم

ونفسنا نشوفه ونفرحه ونلتقى به عند الحوض
تعالوا نسأل نفسنا قبل ما نحلم باننا نشوفه
هل احنا فعلا بنمشى على سنته
هل احنا فعلا بنفرحه فى كل يوم بيعدى علينا
هل احنا فعلا بنجتهد عشان نفرحه وبنتعب عشانه زى ما هو تعب عشنا
طب تعالوا ناخد خطوه جديده ونمشى على سنته ونفتكر وهو بيقول لاصحابه علينا صلى الله عليه وسلم :

تغدينا مع رسول الله صلى الله عليه وسلم ومعنا أبو عبيدة بن الجراح , فقال : يا رسول الله , هل أحد خير منا ؟ أسلمنا معك وجاهدنا معك . قال : نعم , قوم من بعدكم يؤمنون بي ولم يروني

اكيد مش هتتردوا لحظه اننا نفرحه
وبردوا مش هنفكر لحظه اننا نزعله
وعشان كده يا بنات النبى صلى الله عليه وسلم

يلا نكون قد اللقب ده

بيحبوا بعض وبيتمنوا لبعض الخير


وبيساعدوا بعض ع الطاعه


وبيستغلوا وقتهم فى شئ يفرح النبى صلى الله عليه وسلم ومظبوطين فى مواعيدهم


مجتهدين فى دراستهم و فى اللى ربنا اقامهم فيه


بنات النبى بيحبوا ربنا وبيعملوا اللى بيرضيه



يلا نستقبل رمضان واحنا مفرحين النبى صلى الله عليه وسلم ونكون قد اللقب ده
ربنا يفرح بيكم النبى صلى الله عليه وسلم

احنا بنات النبى صلى الله عليه وسلم


[ندعوك للتسجيل في المنتدى أو التعريف بنفسك لمعاينة هذه الصورة]